Ըստ լավատեղյակ աղբյուրներից ստացված տեղեկությունների, հանրապետության Գլխավոր դատախազ Աղվան Հովսեփյանը ցանկություն ունի հրաժարվել դատախազի պաշտոնից: Ենթադրություններ կան, որ Աղվան Գառնիկիչի այդ ցանկությունը պայմանավորված է մարտի 1-ի իրադարձությունների քննությամբ: Մասնավորապես, կարծիք կա, որ Գլխավոր դատախազին մտահոգել են վերջին շրջանի ներքաղաքական միտումները, որոնք կարծես թե վկայում են, որ մարտյան իրադարձությունների ամբողջ պատասխանատվությունը բարդվելու է Ռոբերտ Քոչարյանի վրա: Համենայն դեպս, ըստ մեր աղբյուրների ունեցած տեղեկության, Աղվան Հովսեփյանը նույն մտահոգությունն է նկատել նաեւ Ռոբերտ Քոչարյանի հարցազրույցից հետո, հարցազրույցի դրդապատճառ համարելով նաեւ նույն մտավախությունները հենց Ռոբերտ Քոչարյանի մոտ: Գլխավոր դատախազը թերեւս ցանկություն չունի ամոթով մնալ Ռոբերտ Քոչարյանի առաջ, քանի որ նրանք միասին նույնիսկ պարել են Արագածի փեշերին, երբ Գլխավոր դատախազը մի քանի ժամով այնտեղ էր համախմբել ազգին:
lragir.am
No comments:
Post a Comment