Բայց նա վստահ է, որ վաղ թե ուշ քաղաքական հայացքների համար ձերբակալված անձինք դուրս են գալու, «որովհետեւ նրանց վրա որեւէ բան չեն կարող գտնել, ազգի պաշտպանության համար կյանքը դնող մարդը, երկրի համար կյանքը չխնայող մարդը չի կարող զենք բարձրացնել իր հայրենակցի վրա, դրանք բոլորը սարքովի բաներ էին»:
Գրետա Սարգսյանը նկատում է, որ մարտի 1-ի անմեղ զոհերը չպետք է լինեին. «Այսօր, խաղաղ պայմաններում, երբ մենք ամեն մի հայի համար կյանք ենք տվել, ամեն հայ 10-20 թուրքի դեմ է կանգնել, էս խաղաղ պայմաններում 10 զոհ տալը անընդունելի է, իսկ այդ զոհերը կապել ընդդիմության հետ, ուղղակի անբարոյականություն է. ընդդիմությունը ոչ հրահրել է, ոչ զենք է գործադրել. էդ բոլորն իրենք սարքեցին իրենց աթոռները, պաշտոնները պահպանելու համար, իզուր տեղն իրենց կրկնակի անգամ վարկաբեկեցին»:
Տիկին Գրետան դիմում է իր որդու մարտական ընկերներին, ովքեր այսօր իշխանությունների կամոք Եռաբլուրում չէին. «Տղաներ ջան, ես ձեր ցավը տանեմ, Սասուն ջան, Մյասնիկ ջան, Հակոբ ջան, Մուշեղ ջան, Գագիկ ջան, պինդ մնացեք, ամուր մնացեք:-ապա շարունակում է,- Նրանք քաջ են, նրանք հերոս են, նրանք կռվից չեն վախեցել, բանտ նստելուց պիտի վախենա՞ն. էս ամբողջ ժողովուրդը պատրաստ է բանտ նստել. նրանց եթե թվում էր, թե բանտ նստեցնելով` պիտի ժողովրդին վախեցնեն, սխալվեցին իրենց հաշվարկների մեջ»:
Գլուխը շարժելով ու չհավատալով, որ այսօր հերոս ազատամարտիկներն անազատության մեջ են, տիկին Գրետան ասում է. «Տղաները պետք է ազատվեն. մենք հզոր ազգ ենք, մեզ ոչինչ չի կարող կոտրել: Երբ պահը գալիս է, բոլորս միակամ ենք, մի բռունցք ենք, եւ կեցցե մեր ժողովուրդը, մեր երիտասարդությունը, մեր կանայք, որոնք բոլորովին նորովի դրսեւորվեցին այս շարժման ընթացքում»:
A1+
No comments:
Post a Comment