Ընդդիմության ներկայացուցիչներին եւ ՀՀ քաղաքացիներին ոստիկանական տարբեր բաժիններ եւ անհայտ ուղղությամբ ապօրինի տարման ենթարկելու դեպքերը շարունակվում են: Վերջին երկու օրերին` մայիսի 7-ին եւ 8-ին տարման են ենթարկվել 11 քաղաքացիներ: Նրանցից Արամ Վարդանյանը տարվել է Արմավիրի ոստիկանություն եւ պահվում է փաստորեն պատանդի կարգավիճակում` եղբորը հանձնվել ստիպելու համար: Մարտի 1-ի սպանդի ժամանակ վիրավորված երկրապահ Արթուր Բարսեղյանը տարվել է Կենտրոնի ոստիկանություն: Աշտարակի ոստիկանություն են տարվել Աշտարակի սարկավագը եւ ագարակցի Նվեր Մուրադյանը: Թալինից Տիգրան Մկրտչյանին տարել են անհայտ ուղղությամբ: Չի հաջողվել նաեւ պարզել, թե ոստիկաններն ուր են տարել Գառնիկ եւ Անդրուշ Սադոյաններին (գ. Արմավիր), Գագիկ Անդրիկյանին (գ. Ջանֆիդա), Թաթուլ Սարոյանին (ք. Արմավիր), Ստյոպա Թառոյանին (ք. Արմավիր) եւ Կարեն Պողոսյանին (գ. Ջանֆիդա):
Subscribe to:
Post Comments (Atom)
No comments:
Post a Comment