ՀՀ իշխանությունները, որ փորձում են գործ սարքել իրենց քաղաքական հայացքների համար բանտարկված ԱԺ պատգամավորներ Սասուն Միքայելյանի, Մյասնիկ Մալխասյանի եւ Հակոբ Հակոբյանի դեմ, ընտրություն չեն անում միջոցների մեջ:
Ըստ հավաստի տեղեկությունների, վերջերս ԱԺ պատգամավոր, ներկայումս ԱԱԾ մեկուսարանում գտնվող Հակոբ Հակոբյանի խուց է տեղափոխվել Հակոբյանի ամենամտերիմ ընկերներից մեկի` հանգուցյալ Վահան Զատիկյանի որդուն` Սեդրակ Զատիկյանին սպանած վարձու մարդասպան Արսեն Առուշանյանը: Հայտնի է, որ Հակոբ Հակոբյանը հարազատ որդու նման է ընդունել Սեդրակ Զատիկյանին, եւ նրա մարդասպանին Հակոբ Հակոբյանի խուց տեղափոխելը այլ կերպ, քան ամենավերջին ստորություն, հնարավոր չէ անվանել: Նշենք նաեւ, որ Զատիկյանի որդու սպանության պատվիրատուն, ըստ քրեական գործի նյութերի, Հակոբյանի հարազատ եղբայր Սիմոն Հակոբյանի ավագ որդին է, որ գտնվում է հետախուզման մեջ: Մեր տեղեկություններով, ներկայումս իշխանությունները փորձում են Հակոբ Հակոբյանի եղբորը` Սիմոնին օգտագործել իր հարազատ եղբոր դեմ:
hzh.am
No comments:
Post a Comment